Filtriraj
Sortiraj
Vodene boje su odlično sredstvo za bojenje za djecu koja su manja jer su perive, nisu agresivne i njihova cijena je prihvatljiva. Mališani koji još uvijek nisu vješti sa četkicama mogu takođe da koriste vodene boje jer postoje razni projekti za djecu sa vodenim bojama, a koji uključuju šaranje uz pomoć šake ili stopala djeteta. Čak i starijoj djeci je ovakav način upotrebe vodenih boja zabavan, a odrasli mogu biti mirni jer nisu u pitanju boje koje su toksične i koje mogu izazvati neželjene reakcije na koži djeteta. Podloga koja se najčešće koristi za ispis vodenim bojicama jeste papir, ali one se mogu upotrebljavati i na raznim platnima i tkaninama, plastici i drvenim površinama.
Za razliku od vodenih boja, boja koju imaju tempere je dosta izražajnija i trajnija i zato se koristi za školu, ali i od strane profesionalnih umjetnika (mada se ulje na platnu smatra favoritom). Još jedna od prednosti tempera sastoji se u tome da su one brzosušeće, a nakon što se osuše, boja koja ostaje je mat, a površina glatka, a za razliku od ulja na platnu koje blago potamni, boja tempera je postojana, tj. nikada se ne mijenja.
